— 485 —
article CCX.
De l'Allegresse.
Enfin ce que je nomme Allegresse, est une espece
de Ioye, en laquelle il y a cela de particulier, que sa
douceur est augmentée par la souvenance des maux
qu'on a soufferts, et desquels on se sent allegé, en
mesme façon que si on se sentoit déchargé de quelque
pesant fardeau, qu'on eust long temps porté sur ses
espaules. Et je ne voy rien de fort remarquable en ces
trois Passions; aussi ne les ay-je mises icy, que pour
suivre l'ordre du denombrement que j'ay fait cy dessus.
Mais il me semble que ce denombrement a esté utile,
pour faire voir que nous n'en ometions aucune qui
fust digne de quelque particuliere consideration.
Descartes Pas 485