— 464 —
article CLXXVIII.
De la Moquerie.
La Derision ou Moquerie est une espece de Ioye
meslée de Haine, qui vient de ce qu'on aperçoit quelque
petit mal en une personne qu'on pense en estre digne.
On a de la Haine pour ce mal, et on a de la Ioye de le
voir en celuy qui en est digne. Et lors que cela survient
— 465 —
inopinement, la surprise de l'Admiration est
cause qu'on s'esclate de rire, suivant ce qui a esté dit
cy dessus de la nature du risa. Mais ce mal doit estre
petit; car s'il est grand, on ne peut croire que celuy
qui l'a en soit digne, si ce n'est qu'on soit de fort
mauvais naturel, ou qu'on luy porte beaucoup de Haine.
Descartes Pas 464-465