— 460 —
article CLXXII.
De l'Emulation.
Et l'Emulation en est aussi une espece, mais en un
autre sens. Car on peut considerer le Courage comme
— 461 —
un genre, qui se divise en autant d'especes qu'il y a
d'objets differens, et en autant d'autres qu'il a de
causes: en la premiere façon la Hardiesse en est une
espece, en l'autre, l'Emulation. Et cette derniere n'est
autre chose qu'une chaleur, qui dispose l'ame à entreprendre
des choses, qu'elle espere luy pouvoir reüssir,
pource qu'elle les voit reüssir à d'autres; et ainsi c'est
une espece de Courage, duquel la cause externe est
l'exemple. Ie dis la cause externe, pource qu'il doit
outre cela y en avoir tousjours une interne, qui consiste
en ce qu'on a le corps tellement disposé, que le
Desir et l'Esperance ont plus de force à faire aller
quantité de sang vers le coeur, que la Crainte ou le
Desespoir à l'empescher.
Descartes Pas 460-461