— 445 —
article CLIII.
En quoy consiste la Generosité.
Ainsi je croy que la vraye Generosité, qui fait qu'un
homme s'estime au plus haut point qu'il se peut legitimement
— 446 —
estimer, consiste seulement, partie en ce
qu'il connoist qu'il n'y a rien qui veritablement luy
appartiene que cette libre disposition de ses volontez,
ny pourquoy il doive estre loüé ou blasmé, sinon pource
qu'il en use bien ou mal; et partie en ce qu'il sent
en soy mesme une ferme et constante resolution d'en
bien user, c'est à dire de ne manquer jamais de
volonté, pour entreprendre et executer toutes les
choses qu'il jugera estre les meilleures. Ce qui est
suivre parfaitement la vertu.
Descartes Pas 445-446