— 343 —
article XIX.
De la Perception.
Nos perceptions sont aussi de deux sortes, et les
unes ont l'ame pour cause, les autres le corps. Celles
qui ont l'ame pour cause, sont les perceptions de nos
volontez, et de toutes les imaginations ou autres pensées
qui en dépendent. Car il est certain que nous ne
sçaurions vouloir aucune chose, que nous n'apercevions
par mesme moyen que nous la voulons. Et bien qu'au
regard de nostre ame, ce soit une action de vouloir
quelque chose, on peut dire que c'est aussi en elle une
passion d'apercevoir qu'elle veut. Toutefois, à cause
que cette perception et cette volonté ne sont en effect
qu'une mesme chose, la denomination se fait tousjours
par ce qui est le plus noble; et ainsi on n'a point
coustume de la nommer une passion, mais seulement
une action.
— 344 —
Descartes Pas 343-344