— 49 —
mesme i'ay sujet de me contenter de ce que, s'il ne
m'a pas donné la vertu de ne point faillir, par le premier moyen que
i'ay cy-dessus declaré, qui depend d'une claire et evidente connoissance
de toutes les choses dont ie puis deliberer, il a au moins
laissé en ma puissance l'autre moyen, qui est de retenir fermement la
resolution de ne iamais donner mon iugement sur les choses dont la
verité ne m'est pas clairement connuë. Car quoy que ie remarque
cette foiblesse en ma nature, que ie ne puis attacher continuellement
mon esprit à une mesme pensée, ie puis toutesfois, par une meditation
attentive et souvent reiterée, me l'imprimer si fortement en la
memoire, que ie ne manque iamais de m'en ressouvenir, toutes les
fois que i'en auray besoin, et acquerir de cette façon l'habitude de
ne point faillir.
Descartes Meds 49