— 98 —
ARTIC. IV.

      Ex eo quod Parmenides dixit unum undique sibi
aequale, atque sphaericum, et Melissus unum asserit
infinitum, minime contradictio sequitur inter illos, sed
potius alter alterum exponit.
RATIO.

      Quod est finitum non est ubique aequale, sed a
centro duntaxat: quod si aequalitas a centri non
differente distantia vel aequidistantia rationem obtinet,
undique aequale illud solummodo erit, quod ubique
centrum habet, estque ex omni parte sphaericum.
Sicut iuxta intelligibilem modum est in Deo, in natura,
in universi una substantia, iuxtaque rationem
propriam in hoc sensibili universo coniicitur, in quo
nulla stella, nullus mundus, nullus orbis in circumferentia
dicitur alteri, qui sibi non sit in centro, quia
undique in universo aequalis habetur ad magnum
parvumque horizontem respectus. Infinitum igitur sit
oportet, quod undique aequale esse debeat.
Bruno Acr 98