— 36 —
      Et ie ne me dois pas imaginer que ie ne conçoy pas l'infiny par
une veritable idée, mais seulement par la negation de ce qui est finy,
de mesme que ie comprens le repos et les tenebres par la negation
du mouvement et de la lumiere: puisqu'au contraire ie voy manifestement
qu'il se rencontre plus de realité dans la substance infinie,
que dans la substance finie, et partant que i'ay en quelque façon
premierement en moy la notion de l'infiny, que du finy, c'est à dire
de Dieu, que de moy-mesme. [>]
Descartes Meds 36