— 35 —
      Partant il ne reste que la seule idée de Dieu, dans laquelle il faut
considerer s'il y a quelque chose qui n'ait pû venir de moy-mesme.
Par le nom de Dieu i'entens une substance infinie, eternelle, immuable,
— 36 —
independante, toute connoissante, toute puissante, et par
laquelle moy-mesme, et toutes les autres choses qui sont (s'il est
vray qu'il y en ait qui existent) ont esté creées et produites. Or ces
avantages sont si grands et si eminens, que plus attentivement ie les
considere, et moins ie me persuade que l'idée que i'en ay puisse
tirer son origine de moy seul. Et par consequent il faut necessairement
conclure de tout ce que i'ay dit auparavant, que Dieu
existe;
Descartes Meds 35-36