— 23 —
Enfin ie suis le mesme qui sens, c'est à dire qui
reçoy et connois les choses comme par les organes des sens, puisqu'en
effet ie voy la lumiere, i'oy le bruit, ie ressens la chaleur.
Mais l'on me dira que ces apparences sont fausses et que ie dors.
Qu'il soit ainsi; toutesfois, à tout le moins il est tres-certain qu'il
me semble que ie voy, que i'oy, et que ie m'échauffe; et c'est proprement
ce qui en moy s'apelle sentir, et cela, pris ainsi precisement,
n'est rien autre chose que penser.
Descartes Meds 23