— 15 —
Hinc patet, quod certitudo nihil sit praeter ipsam essentiam objectivam;
id est, modus, quo sentimus essentiam formalem, est
ipsa certitudo. Unde iterum patet, quod ad certitudinem veritatis
nullo alio signo sit opus, quam veram habere ideam: Nam,
uti ostendimus, non opus est, ut sciam, quod sciam me scire.
Ex quibus rursum patet, neminem posse scire, quid sit summa
certitudo, nisi qui habet adaequatam ideam, aut essentiam objectivam
alicujus rei; nimirum, quia idem est certitudo, et essentia
objectiva.
Spinoza TIE 15